شېر کړئ Facebook Twitter بریښنالیک Telegram WhatsApp وروسته له هغه چې د ټرمپ لخوا له امریکا څخه بهر د مرستو د لېږد پروسه وځنډېده، د آمو ټلویزیون هغه یو لک ډالري بودجه هم بند شوه چې هره میاشت د امریکا د بهرنیو چارو وزارت لخوا ورکول کېده او دا یې د افغانستان له خلکو سره مرسته بلله.له بل لوري د افغانستان انټرنشنل هغه برخه پیسې چې د امریکا د بهرنیو چارو وزارت لخوا له افغانستان سره بشري مرستو په نوم ورکول کیدلې هم بندې شوې دي او ياد ټلويزيون یې له خطرناکو مالي ستونزو سره مخ کړی دی.د ټرمپ له لوري د بندیزونو په ټس کې ټولو هغو رسنیو او د بشر حقوقو په نوم مدني ټولنو ته د مرستو د بندېدو ایمیلونه رسېدلي چې د پرځېدلي جمهوريت وروسته د امریکا له خوا له مالي اړخه حمایه کیدلې، او اوس مهال د افغانستان د دین، آزادۍ او آبادۍ په ضد په نشراتو بوختې وې.د يادونې وړ ده چې په دې بندیز کې د بشري حقونو او مدني ټولنو هغه سازمانونه هم شته چې د افغانستان په ضد په پروپاګند او تخریب لګیا دي.
