دفاع وزارت په یوه خبرپاڼه کې ویلي، چې د ۲۰۹ الفتح قول اردو یوه پلاوي، د جوزجان د ۱۱مې سرحدي لوا د قوماندان عبدالواصل نظري په مشرۍ، د ترکمنستان د امام قرقي سرحدي لوا له قوماندان مخدومقولي برديیوف سره لیدلي دي.
د خبرپاڼې له مخې، په دې لیدنه کې دواړو لورو د سرحدي سیمو پر امنیت او د سرحدي ځواکونو ترمنځ د لا ښې همغږۍ پر رامنځته کولو خبرې کړې دي.
دواړو لورو د افغانستان او ترکمنستان اړیکې دوستانه بللې او د امنیت د ټینګښت لپاره یې د ګډو هڅو پر دوام ټینګار کړی دی.