راپورونه وايي، چې حوثیانو د یمن د سره سمندرګي د ساحل وروستۍ پاتې سیمه هم تر خپل کنټرول لاندې راوستې او په دې توګه یې د ټول سره سمندرګي ساحل بشپړ کنټرول ترلاسه کړی دی.
راپور زیاتوي، چې حوثیانو دغه ۱۸ ساعته پوځي عملیات بشپړ کړي او اوس د یمن د سره سمندرګي پر ټول ساحل واک لري.
د ملګرو ملتونو استازي هم په یمن کې روان وضعیت د جګړې نوې او لا خطرناکه مرحله بللې ده.
په ورته مهال د سعودي عربستان ځواکونو د حوثيانو تر کنټرول لاندې په المخا هوايي ډګر بريدونه کړي دي.