نړيوالو رسنيو راپور ورکړی، چې د امریکا پوځ تایید کړې چې د ایران د بالستیک توغندیو په برید کې، چې اردن کې په یوه امریکايي پوځي اډه ترسره شوی، دوه امریکايي سرتېري وژل شوي، یو ورک دی او څلور نور ټپیان شوي دي.
له ايران سره د وروستیو ورځو په بريدونو کې دا لومړی ځل دی، چې امريکا د خپلو پوځيانو مرګ ژوبله تاييدوي.
په ورته مهال ډونالډ ټرمپ خبرداری ورکړی، چې د يادو پوځیانو د وژل کېدو په غبرګون کې به پر ايران پراخ بريدونه ترسره کړي.
د ايران مذهبي مشر مجتبی خامنه اي، بيا ويلي چې داسې ځواب ورکولو ته چمتو دي چې امريکا به یې هېر نه کړي.