العربية راپوری ورکړی، چې د اسرائیلو د مالیې وزیر بتسلئیل سموټرېچ ویلي، اسرائیل له ایران سره د امریکا په روانه جګړه کې د ګډون لېوالتیا نه لري.
هغه زیاته کړې، اوسنی وضعیت د اسرائیلو په ګټه دی او امریکا هم د جګړې د پراخېدو د مخنیوي لپاره له تلابیب غوښتي، چې په مستقیم ډول په جګړه کې ښکېل نه شي.
راپور زیاتوي، اسرائیلي استخباراتو واشنګټن ته خبر ورکړی، چې ایران د تېر مني له ۱۲ ورځنۍ جګړې وروسته خپل اټومي تاسیسات، تجهیزات او ماشینونه ژورو ځمکنیو تونلونو ته لېږدولي دي. د راپور له مخې، دې اقدام د ایران د اټومي پروګرام د بیا رغېدو په اړه اندېښنې زیاتې کړې دي.