ایلینا خبري اژانس خبر ورکړی، چې د امریکا د انرژۍ وزیر کریس رایټ ویلي، واشنګټن به تر هغه پر ایران پوځي عملیاتو ته دوام ورکړي، چې ترڅو یې ټاکل شوي اهداف ترلاسه شوي نه وي.
رایټ له «اېبيسي نیوز» شبکې سره په خبرو کې ویلي، د امریکا ولسمشر ډونالډ ټرمپ لا هم د ایران جګړې ته د یوې سولهییزې هوکړې له لارې د پای ټکی اېښودل غواړي، خو دا چاره یې د تهران له همکارۍ سره تړلې بللې ده.
هغه ټینګار کړی، چې امریکا به د هرمز تنګي له لارې د نفتو، ګازو او نورو توکو د لېږد امنیت تضمین کړي، «که د ایران په همکارۍ وي او که له هغې پرته». د نوموړي په وینا، د امریکا پوځي عملیات به تر هغه روان وي چې ټول ټاکل شوي اهداف بشپړ نه شي.
د امریکا د انرژۍ وزیر د واشنګټن له مهمو موخو څخه د ایران د اټومي وسلو د ترلاسه کولو مخنیوی، د دغه هېواد د پوځي وړتیاوو محدودول او د سیمې د امنیت خوندي کول یاد کړي دي.