ایراني چارواکو ویلي، په راتلونکو ورځو کې به له عمان سره د هوکړې له مخې، هرمز تنګي ته څېرمه د بېړیو د تګ راتګ لپاره نوې لار اعلان کړي.
د معلوماتو له مخې د نوې لارې موخه په هرمز تنګي کې د بېړیو تګ راتګ تنظیمول دي؛ دا پرېکړه داسې مهال کېږي چې په وروستیو ورځو کې د سوداګریزو بېړیو تګ راتګ د مې میاشتې راهیسې تر ټولو ټیټې کچې ته رسېدلی دی.
د بېړیو د تګ راتګ د تحلیل شرکت «کپلر» د معلوماتو له مخې، په تېرو لسو ورځو کې هره ورځ په اوسط ډول یوازې ۱۰ باروړونکې بېړۍ له هرمز تنګي تېرې شوې دي.