فوربز امریکايي مجلې راپور ورکړی، چې ایراني چارواکو له امریکا سره د هوکړې تر اعلان وروسته مسکو ته د سفر په لړ کې له روسیې سره د ۲۰ چورلکو د پېرلو تړون لاسلیک کړی دی.
د فوربز راپور له مخې، د ایران د سرې میاشتې ټولنې مشر پیرحسین کولیوند د چهارشنبې په ورځ په مسکو کې د روسیې د چورلکو جوړونې شرکت له اجرایوي مشر سره دا تړون لاسلیک کړی.
په ورته مهال د «وانا» خبري اژانس ویلي، چې د لومړیو څلورو چورلکو د سپارلو بهیر به د ۲۰۲۷ کال تر مارچ میاشتې پورې بشپړ شي.
فوربز زیاتوي چې دا چورلکې د سرې میاشتې د هوايي ملاتړ لپاره اخیستل کېږي.
دغه مجله همدارنګه لیکي چې دا تړون په داسې شرایطو کې لاسلیک شوی چې ایران هم مهاله له امریکا سره د هوکړې د عملي کېدو ترڅنګ له روسیې سره د اقتصادي همکاریو د پراخولو او د هوايي بیړۍ د یوې برخې د نوي کولو هڅې روانې ساتلې.