آی ۲۴ نیوز رسنۍ راپور ورکړی، چې د اسرائیلو لومړي وزیر بنیامین نتنیاهو د کابینې د وروستۍ غونډې په ترڅ کې د کابینې وزیرانو ته خبرداری ورکړی، چې اسرائیل ممکن د امریکا له ملاتړ پرته په يواځې ځان له ایران سره مقابلې ته اړ شي.
سرچينې ويلي، د نتنياهو د خبرداري په ځواب کې بيا د اسرائیلو د پوځ لوی درستیز ایال ضمیر هم وزیرانو ته خبرداری ورکړ چې د امريکا او ایران ترمنځ ډیری تړونونه چې د نهایي کېدو پر لور روان دي د اسرائیل لپاره به خورا بدې پايلې ولري.
هغه زیاته کړې، داسې اندیښنې شتون لري چې اسرائیل ممکن ځان د امريکا له ملاتړ او ډيپلوماتيک پوښښ پرته له ایران سره په مستقیمه شخړه کې ومومي.