رویټرز راپور ورکړی، چې د پاکستان تر ولکې لاندې د کشمیر وګړو لندن کې د پاکستاني رژيم پر ضد پراخ لاریونونه کړي دي او و د ازاد کشمیر نعره یې پورته کړې ده.
ویل کېږي، چې په مظفرآباد او د پاکستان تر ادارې لاندې کشمیر کې د اعتراضونو او امنیتي عملیاتو له امله تاوتریخوالی زیات شوی دی.
د راپورونو له مخې، د اعتراض کوونکو او امنیتي ځواکونو ترمنځ نښتو کې مرګ ژوبله او ګڼ شمېر نیونې شوې دي.
د بښنې نړیوال سازمان ویلي چې په ازاد کشمیر کې د اعتراضي لاریونونو ځپل، د انټرنېټ بندول او خپلسرې نیونې د بشري حقونو د وضعیت د خرابوالي څرګندونه کوي.
د یاد سازمان د خبرپاڼې له مخې؛ چارواکو د لاریونونو پر وړاندې له زور کار اخیستی او حتا د وژونکي ځواک د استعمال راپورونه هم ورکړل شوي دي.