د ايران د ایسنا خبري اژانس د راپور مخې، په استانبول کې د زنداني شوي ښاروال اکرم امام اوغلو د نیولو په غبرګون کې روانو لاریونونو لا زور اخیستی او په شپږمه شپه له دغو لاريونونو سره ګڼ شمېر محصلين هم یوځای شوي دي.
له بل لوري بيا د ترکیې د کورنیو چارو وزارت خبر ورکړی، چې پولیسو د لاریونونو له پیل راهیسې په ټول هیواد کې له ۱۱۰۰ څخه ډیر کسان نیولي دي، چې له ډلې یې ۹ کسان لاريونونو ته پوښښ ورکوونکي خبریالان هم دي.
د سياسي چارو د شنونکو په وينا، د ترکيې روان لاريونونه اردوغان ته د خطر زنګ او د لوی سرخوږي جوړېدو په حال کې دي.
امام اوغلو، چې د استانبول ښاروال او د ترکیې د ولسمشر رجب طیب اردوغان اصلي سیاسي سیال دی، تېره اونۍ د فساد په تور ونیول شو.