د ترکیې د بهرنیو چارو وزیر هاکان فدان ویلي چې، هېواد یې فلسطین کې د رامنځته شوي وضعیت له امله له صهیونیستي اسرائیلو سره سوداګریزې او ډیپلوماټیکې اړیکې پرې کړې دي.
د ترکیې د بهرنیو چارو وزیر ټینګار کړی په غزه کې اوربند د ترکیې او صهیونیستي رژیم ترمنځ د اړیکو د عادي کولو لپاره اړین دی.
فدان د خبرو پر دوام، د سوریې پر بنسټیزو تاسیساتو د صهیونیستي اسرائیلو د بریدونو د بندېدو غوښتنه کړې او ټینګار یې کړی چې په سوریه کې د دغه رژیم اشغال باید پایته ورسېږي.