په کابل کې د ترکیې سفیر جنک اونال د چاپریال ساتنې ملي ادارې له رییس سره په لیدنه کې ویلي، چې هېواد یې له افغانستان سره د چاپریالي مسایلو په برخه کې ملاتړ او همکارۍ ته چمتو دی.
ورته مهال په دې لیدنه کې د چاپریال ساتنې ملي ادارې رییس مولوي مطيع الحق خالص ویلي، هیله لري چې له ترکیې سره د چاپېریالي موضوعاتو، د تکنالوژیو او تجربو لېږد او ظرفیت لوړونې په برخو کې ګډې همکاري ولري او د دواړو هېوادونو ترمنځ د همکارۍ هوکړه لیکونه لاسلیک شي.
نوموړي زیاته کړې؛ د چاپریال ساتنې ملي اداره د ټولو نړیوالو کنوانسینونو تعهداتو ته ژمنه ده، خو په خبره یې نړیوال د چاپېریالي مسایلو په برخه کې له افغانستان سره لازمه همکاري نه کوي.