د کډوالو ستونزو ته د رسېدنې عالي کمېسیون خبر ورکړی، چې تېره ورځ (شنبه) ۴۵۲ کډوالې کورنۍ چې د غړو شمېر یې دوه زره ۴۸۲ تنو ته رسېږي له بېلابېلو لارو هېواد ته راستانه شوي.
یاد کمېسیون ویلي، دغه کډوالې کورنۍ د تورخم، سپینبولدک، بهرامچې، ورېښمو پل او اسلام کلا له لارو هېواد ته راستانې شوې.
دا په داسې حال کې ده، چې وړمه ورځ هم څه باندې ۵۰۰ کډوالې کورنۍ له ایران او پاکستان څخه په جبري ډول اخراج او افغانستان ته راستنې شوي.