د امربالمعروف نهې عن المنکر او شکایتونو اورېدلو وزارت وایي، د افغان حکومت د مشرتابه په حکم تېرو درېیو میاشتو کې پنځه زره او ۷۸۱ رواني ناروغان راټول شوي دي.
د یاد وزارت په وینا، یاد شمېر رواني ناروغان له ټول هېواد څخه راټول او د درملنې لپاره افغاني سرې میاشتې ټولنې ته سپارل شوي دي.
د امر بالمعروف، نهې عن المنکر او شکایتونو اورېدلو وزارت ویاند ویلي، هڅه کېږي، چې له شته امکاناتو په استفادې یادو ناروغانو ته لازمې روغتیایي چوپړتیاوې وړاندې شي.