د افغان حکومت مرستیال ویاند، ملا حمد الله فطرت ویلي، چې امارتي محاکمو په تېر میلادي کال کې شاوخوا ۲۴۱ او ۷۹۹ جزائي او حقوقي قضیو ته پر رسېدنې سربېره نږدې ۱۸۰ وثیقې هم اجراء کړې دي.
ښاغلي فطرت زیاته کړې، چې په یاده موده کې نږدې ۵۵ زره قضیې د سولې له لارې حل او فصل شوې او په فراه، نیمروز، بادغیس او خوست ولایتونو کې پر شپږ قاتلینو د قصاص الهي حکم تطبیق شوی دی.
نوموړي ویلي، چې په تېر ۲۰۲۵ میلادي کې د امارتي محاکمو د پرېکړو پر بنسټ څه باندې ۱۱ سوه مجرمینو او متهمینو ته د غیر شرعي اعمالو په جرم تعزیري سزاګانې هم ورکړل شوې دي.