العربية سعودي رسنۍ، د حماس غورځنګ لوړپوړي مشر غازي حمد له قوله، خبرداری ورکړی چې اسرائيل د هدفي وژنو او بریدونو په دوام سره د سولې تړون نقض کړی دی.
نوموړي ټینګار کړی چې امریکا مسؤولیت لري، څو د دغه تړون ژغورلو لپاره پر اسراييل فشار راوړي او هغوی اړ کړي چې خپل بریدونه سمدستي ودروي.
بلخوا، د اسرائیل لومړي وزیر نتنیاهو، ادعا کړې چې حماس پلان لري، په راتلونکو څو اونیو کې پر اسرائیلي ځواکونو بریدونه وکړي او سرتېري وتښتوي.
هغه خبرداری ورکړی چې که حماس دا کار وکړي؛ د اسرائیل ځواب به خورا سخت او پرېکنده وي.