لیکوال: منصور أحرار
په دنیا کې الله رب العزت بې شمېره مخلوقات پیدا کړي، چې له جملې یې یو مخلوق انسانان دي، په انسانانو کې الله تعالی د عقل ماده ایښې ده چې په دې سره هر انسان کولای شي چې ښه او بد سره جدا کړي، چې همدې عقل ته بهترین نعمت هم ویلی شو.
خو په دې انسانانو کې یوه ډله داسې انسانان دي چې ظاهراً زیات بې عقل او جاهل معلومېږي او په حقیقت کې هم انتهایي زیات بې عقل او جاهلان دي، ځکه که چېرته جاهلان نه وای نو د حق او باطل تمیز به یې کړی وو.
د حق او باطل تمیز چې نه کوي هغه خوارج/داعش دي؛ د دوی بې عقلۍ ته رسول الله صلی الله علیه وسلم هم اشاره کړې ده چې امام بخاري (رقم: ٦٩٣٠) او امام مسلم (رقم: ١٠٦٦) رحمهما الله دا روایت رانقل کړی دی، ویلي یې دي، دوی به: (سُفَهَاءُ الْأَحْلَامِ) وي، یعنې ناپوہ به وي.
همدارنګه دوی دومره بې عقل دي چې مسلمانان قتلوي خو بت پرست/کافرانو ته هېڅ هم نه وایي، لکه دې بې عقلۍ ته یې هم رسول الله صلی الله علیه وسلم اشاره کړې ده، دا روایت هم امام بخاري (رقم: ٧٤٣٢) او امام مسلم (رقم: ١٠٦٤) رحمهما الله رانقل کړی دی، وایي: (يَقْتُلُوْنَ أَهْلَ الإِسْلَامِ وَيَدْعُوْنَ أَهْلَ الْأَوْثَانِ) یعنې خوارج به مسلمانان قتل کوي او بت پرست/کافران به پرېږدي.
که تاریخ مطالعه شي نو دا به راته جوته شي چې خوارج/داعش په دنیا کې انتهايي بد مخلوق دی او انتهايي زیات ضرر یې اسلام او مسلمانانو ته رسولی دی، ځکه دوی ظاهراً د اسلام جامه اغوستې او مسلمانان یې په ظاهر خطاء او دوکه کېږي، حال دا چې ظاهري اعمال یې هم دومره بد دي چې په ښکاره ډول یې د اسلام او مسلمانانو دښمني راخستې ده.
تاسو تاریخ مطالعه کړئ چېرته چې کوم ښه ديني عالم شهید شوی، نو هغه به خوارجو شهید کړی وي، ځکه دوی نه غواړي چې هغه خلک مخې ته پرېږدي څوک چې د دوی خبیثه او رټل شوې څهره دنیا ته ښکاره کوي، چې په دې لنډ وخت کې یې څو تنه مخور علماء کرام شهیدان کړل چې له جملې یې شیخ الحدیث رحیم الله حقاني، شیخ الحدیث مولانا انصاري او…) تقبلهم الله دي.
دوی نه یواځې دا چې اوس یې د علماؤ شهادتونو ته کار ویلی دی، بلکې دوی له پخوا څخه د علماؤ د شهادت هڅې کړي دي او تل یې کوښښ کړی دی چې په مسلمانانو کې فتنه خوره کړي.
شیخ الحدیث نظر محمد الافغاني حفظه الله په یوه بیان کې وایي چې خوارجو د امام الاعظم، امام ابو حنیفة رحمه الله د شهادت کوښښ هم کړی دی.
خوارجو فیصله وکړه چې امام ابوحنیفة رحمه الله به شهید کوو، نو دوی داسې پلان جوړ کړ چې دوی ویل راځئ چې د امام ابوحنیفة رحمه الله شهادت ته داسې بهانه جوړه کړو چې ملامت یې کړو او بیا خلکو ته ووایو چې دا خو (نعوذ بالله) کافر وو، نو ځکه مونږ شهید کړ.
څو تنه خوارج راغلل او د امام ابوحنیفة رحمه الله مخې ته یې خپلې توري کېښودلې، ویل: مونږ له تا څخه یوه پوښتنه کوو، هغه دا چې درې جنازې دي، یوه جنازه د ځان وژوونکي ده، بله جنازه د زناکارې ښځې ده او بله جنازه د شراب څښوونکي ده، ایا دوی ته به د جنازې لمونځ ورکول کېږي او که نه؟!خوارجو په دې پوښتنه کې درې لوی ګناهونه راجمع کړي وو، ځکه دوی کبیره ګناه کوونکي ته کافر وایي، نو دوی ویل چې که چېرته امام ابوحنیفة رحمه الله وویل چې هو! جنازه دې پرې وشي، نو بهانه به مو ورته جوړه شي او شهید به یې کړو.
امام ابوحنیفة رحمه الله ورته وویل: دا جنازې د کومې طائفې او ډلې د خلکو دي؟ آیا یهود دي؟ نصاری دي؟ مجوس دي؟ دوی ویل چې نه! د دې یوې ډلې څخه هم نه دي.
نو امام ابوحنیفة رحمه الله ورته وویل: ښه نو بیا د کومې طائفې جنازې دي؟ دوی ورته وویل چې د مسلمانانو د طائفې جنازې دي، یعنې مسلمانان دي.
امام ابوحنیفة رحمه الله ورته وویل: خبره خلاصه او خپله پوښتنه مو خپله جواب کړه، ځکه تاسو په خپله وایئ چې د مسلمانانو د طائفې جنازې دي، نو د مسلمان پر جنازه خو د جنازې لمونځ کېږي.
خوارج په خپل پلان کې ناکام شول، د دې خبرې په اورېدلو سره له خارجیت او اعتذال څخه واوښتل، توبه یې و ایستله.
بناءً خوارج/داعش په ټولنه کې د سرطان حیثیت لري، دوی باید له بېخ څخه وایستل شي، د دوی تخم او ريښه باید ختمه شي، د مسلمانانو په جامه کې تر یهودو بدتر مخلوق دی، کوښښ وکړئ چې په اړه یې هر قسم مبارزه وکړئ، د دوی له لاسه شهادت ته رسول الله صلی الله علیه وسلم بهترین شهادت ویلی دی، او د دوی مرګ بهترینه غزاء ده، څټونه یې ترې کاټ کړئ او جهنم ته یې ولېږئ، دوی ته رسول الله صلی الله علیه وسلم د جهنم سپي ویلي دي؛ دوی د جهنم سپي دي.