لیکوال: غلام نبي فروزان
په هر هېواد او نظام کې تل په بېلابېلو نومونو او شعارونو ځينې جاهل کسان شتون لري چې مخالف ساز وهي او د حکومت واکمنۍ سره یې اوبه په یوه ویاله کې نه ځي.
دغه کسان د خپلو باطلو ارمانونو او غوښتنو د پوره کولو په خاطر خپل ټول مادي او معنوي ارزښتونه د وهمي اخلاص په طبقه کې ایښي دي او د ولس او ملت د حقوقو د تحقق او مهربانۍ د شعارونو په پورته کولو سره يې د خپلو خلکو په ژوند او مال کې اور اچوي، او دواړو کورونو تاوان پرې اخلي.
دا ډول خلک په دې مبهم فکر کې ژوند کوي چې دوی کولی شي تل په مخالف سنګر کې اوسېدلو سره به خپل سر په نورو سرونو کې اوچت کړي او بقا به ولري او بالاخره به د ځان لپاره بریالیتوب او ویاړ ترلاسه کړي.
د همدې هدف لپاره په نننۍ نړۍ کې د وسلې په پورته کولو سره او د استوریانو په خپرولو او د وینا کلیپونو خپرولو سره فکر کوي چې د دوی له پڅو غشو څخه به یو غشی هدف ته ورسېږي او د دوی لپاره به د ناروا غوښتنو نړۍ ته د ننوتلو دروازه پرانستل شي.
په لومړي سر کې دا ډول خلک د هغو خلکو په خبرو او وعدو غولول شوي چې په خپله او د هغوی پلرونه په بهر کې په سوله ایزه توګه ژوند کوي او وخت په وخت د خپل ځان د څرګندولو لپاره، تیتې او منحرفې کلمې خپروي.
په دویم سر کې دا ټول خلک د ځان لپاره د پیسو او مادي شیانو د ترلاسه کولو په موخه د «مخالفت کوه او مشهور شه» ایډیالوژي سره او د نورو شخصي او ظاهري موخو تر څنګ غواړي د یو څو ورځو لپاره مشهور شي او د دوی نومونه به د خبرونو او شبکو په لیست کې د غرونو، دښتو او خندقونو د اتلانو په توګه واوریدل شي.
دا ټول مقاومتونه او مبارزې د ناپوهۍ له امله ترسره کیږي او ځینې خلک په ښکاره په دې نابرابره میدان کې د مکر لوبه کوي چې پایله یې یقیني ماته او ښکاره او ځان سوځونکې ناکامي ده.
دا باید هېر نه کړو چې «په مخالفه جبهه کې استقرار او په غلطه جګړه کې د استمرار» چل تل د هیڅ وخت په نامه ملتپاله او په حقیقت کې ناحقه غوښتنو ته ځواب نه دی او د هیچا لپاره اوبه نه ګرموي او په تیاره کور کې د رڼا څراغ نه روښانه کوي.
په دې لنډ ژوند او د دنیا په څو سهارونو کې ولې یو څوک داسې کار وکړي چې په دې ښه پوهېږي چې په دنیا او آخرت کې به یې په تیارو کې ډوب او غرق شي؟ پر ځای یې ولې د حق په لیکه کې نه دریږي او خپل هیواد د ملت او حکومت په غېږ کې نه نیسي ترڅو په سوله او آرامتیا کې ژوند وکړي او د ژوند پاتې فرصتونه د خپلو کورنیو لپاره تېر کړي.
هوښيار خلک سم تصميم نيسي او کله چې په خپله تېروتنه پوه شي، په هماغه شېبه کې ودرېږي او راګرځي.
د دې پټ تاوان لپاره باید ووایو چې لا هم وخت شته او دروازه نه ده تړل شوې، نو غوره ده چې بیرته راوګرځۍ او به ابتدا څخه يې پیل وکړئ او د متعصبو او خود غرضو کسانو له شمېر او صف څخه ځانونه جلا کړئ او د حق له ډلې سره یو ځای شئ.