د احصایې او معلوماتو ملي ادارې ویلي، چې د تېر کال په کب میاشت کې د خوراکي توکو په بیو کې ۰.۲ سلنه ټیټوالی راغلی دی.
دغې ادارې همدا راز ویلي، چې دا ټیټوالی ۵.۶ سلنه د غلو دانو، ۵.۹ سلنه د غوړیو او ۳.۱ سلنه د بېلابېلو سبزیو په بیو کې دی.
د يادې ادارې د معلوماتو له مخې همدارنګه د غیر خوراکي توکو په بیو کې هم ۰.۷ سلنه ټیټوالی ښکاري، چې ۴.۴ سلنه یې د جامو او البسې شاخص او ۲.۴ سلنه د کور سامان شاخص په بیو کې ټیټوالی راغلی دی.
بل خوا د تېر کال په کب میاشت کې د امریکايي ډالرو پر وړاندې د افغانۍ ارزښت ۷۲.۴ افغانۍ او د سلواغې په میاشت کې ۷۴.۷ افغانۍ و، چې د سلواغې میاشتې په پرتله یې په ارزښت کې ۳.۱ سلنه زیاتوالی راغلی دی.