د ریاستالوزراء اقتصادي معاونیت وایي، د ملا عبدالغني برادر په مشرۍ د اقتصادي کمېسیون نوبتي غونډه کې له تفصیلي بحث وروسته په هرات ولایت کې د خصوصي سکټور له لوري د «بام هرات» تفریحي کمپلکس جوړولو طرحه تائید شوه.
د سرچینې د معلوماتو له مخې، د دغه طرحې له مخې به خصوصي سکټور د یاد کمپلکس د جوړولو په موخه څه باندې یو میلیارد افغانۍ پانګونه کوي، چې شاوخوا څلورو زرو کسانو ته به د کار زمینه برابره کړي.