اسرائيلي رسنیو راپور ورکړی، چې د اسرائیلو رژيم د ملي امنیت وزیر ایتامار بن ګویر په یوه ویډیو کې د هغه قانون ملاتړ وکړ چې له مخې یې له جوماتونو څخه په لوړ غږ د اذان خپرول منعه کېږي.
د دغه وړاندیز پر بنسټ، پولیس کولی شي د جوماتونو غږیز وسایل ضبط کړي او تر ۵۰ زره شیکله (۱۳۵۰۰ ډالره) پورې جریمه پرې ولګوي.
بن ګویر ادعا کوي چې دا کار د غږیزې ککړتیا د مخنیوي لپاره کوي او پولیسو ته یې د دې چارې امر کړی دی.
هغه په خپلو څرګندونو کې ويلي، «د اسلام مبارک د ارامۍ د ګډوډولو دین دی.»
بن ګوير چې د غزې د روانو وحشتونو له سترو ملاتړو ګڼل کېږي، ډېری وخت د اسلام مبارک دين او مسلمانانو پر وړاندې له کرکې او تعصب ډکې څرګندونې کوي.