د افغانستان بانک چارسمبالي مشر هدایت الله بدري د یوناما له مشرې روزا اوتونبایوا سره لیدلي او د مالي چوپړتیاوو د پراختیا په تړاو یې ورسره خبرې کړې دي.
له افغانستان بانک څخه په خپره شوې خبرباڼه کې ویل شوي، په دې لیدنه کې د افغانستان بانک رئیس ویلي، چې د افغانستان بانک ژمن دی چې د هېواد ټولو برخو ته مالي خدمتونه ورسوي، ترڅو درانه هېوادوال وکولی شي چې په اسانه ډول ارزانه او غوره کیفیت لرونکو مالي خدمتونو ته لاسرسی ولري.: «د دې برخې د پیاوړتیا لپاره د هېواد اوسنیو شرایطو ته په پام سره مقرره جوړې شوې ده چې په پلې کېدو سره به یې خلک وکولی شي، په اسانه ډول کوچني پورونه تر لاسه کړي.
د کوچنیو پورونو ته د خلکو لاسرسی د بېوزلۍ کچه کموي او د ندو په رامنځته کولو کې مرسته کوي.»
په خبرپاڼه کې د یوناما د مشر له قوله ویل شوي، چې مالي خدمتونو ته د خلکو لاسرسی د ارزښت وړ دی او په دې برخه کې له افغان حکومت سره همکاري کوي.
که څه هم په هېواد کې د بانکونو پېښلیک ډېر پخوانی دی؛ خو لا هم خلک هغه ډول بانکي چوپړتیاوو ته لاسرسی نه لري، کومه اړتیا چې په اوسني وخت کې لیدل کېږي.
