د امريکا عدليې وزارت ويلي، چې د امریکا او ایران دوه ګونی تابعیت لرونکی او په ایران کې د یوې ټیکنالوژۍ کمپنۍ اجرائیوي رئیس جمشید قومي په امريکا کې نیول شوی.
په نوموړي تور دی چې پر ایران د امریکا لګېدلو بندیزونو څخه په سرغړونې یې د امریکا ساخت پرمختللي شبکه يي، امنیتي او رمزګذارۍ (انکرېپشن) تجهیزات د ایراني پېرېدونکو لپاره ترلاسه کړي وو، چې دې کې د ایران د حکومت اټومي او پوځي ادارې هم شاملې دي.
امريکا ويلي، ۶۳ کلن قومي د امریکا جوړې کمپیوټري شبکه یي پرزې یې په ایران پلورلې او د امریکا د بندیزونو د قوانینو په خلاف یې میلیونونه ډالر ګټلي دي.
ټاکل شوې نوموړي ته د بند سزا سربېره د هغه شتمنۍ هم ضبط شي.