رویټرز راپور ورکړی، چې د امریکا استازو جرګې د یو شمېر جمهوري غوښتونکو په ملاتړ اوکراین ته د مرستو او پر روسيې د نویو بندیزونو طرحه تصویب کړې ده.
ویل شوي، په یاده طرحه کې اوکراین ته له یو میلیارد ډالرو څخه زیاتې مرستې، میلیاردونه ډالر پور او پر روسیې نوي بندیزونه په پام کې نیول شوي دي.
د راپور له مخې، دغه طرحه امریکا استازو جرګه کې د ۲۲۶ موافقو او د ۱۹۵ مخالفو رایو سره تصویب شوې؛ خو د تطبیق لپاره د سنا جرګې تائید ته هم اړتیا لري.