د قزاقستان د کرنې وزیر، آیداربیک ساپاروف، ویلي چې افغانستان ته د دغه هېواد د غلو دانو صادرات ۱.۶ برابره زیات شوي او ۶۳۲ زره ټنو ته رسېدلي دي.
نوموړي ویلي، قزاقستان چین، ازبکستان او تاجکستان ته يې هم د غلو صادرات زیات کړي دي.
د راپور له مخې، د قزاقستان د غلو دانو او اوړو ټول صادرات د روان میلادي کال په اوږدو کې شاوخوا ۱۶ میلیونه ټنو ته رسېدلي، په داسې حال کې چې تېر فصل دا کچه ۱۵.۳ میلیونه ټنه وه.
قزاقستان د روان کال د سپټمبر له میاشتې د نومبر تر لسمې نېټې درې میلیونه او ۲۸۰ زره ټنه غله صادر کړي، چې د تېر کال د ورته مودې په پرتله ۷.۴ سلنه زیاتوالی ښيي.


