Close Menu
    نړۍ

    د اوکراین او روسیې جګړه؛ شمالي کوريا ښايي لا ډېر ځواکونه روسیې ته واستوي

    عمران آغاڅرگندونې نشته1 دقیقه لوستل
    نړیوالو رسنیو د جنوبي کوريا د استخباراتي ادارې له قوله لیکلي، چې شمالي کوريا پلان لري، د روان میلادي کال د جولای میاشتې تر پیل وړاندې نور ځواکونه روسیې ته واستوي.

    دا څرګندونې داسې مهال کېږي، چې د روسیې د امنیت شوری مشر سرګي شویګو پیونګ یانګ ته د سفر پر مهال وویل، چې شمالي کوریا به د کورسک سیمې د بیارغونې لپاره پوځي انجنیران او تخنیکي کارکوونکو ورواستوي.

    د روسیې او شمالي کوریا چارواکو تر دې مهاله په دې اړه څه نه‌دي ویلي.

    د یادونې ده، چې شمالي کوريا د اوکراین په جګړه کې د روسیې د ملاتړ لپاره له وړاندې هم زرګونه پوځیان روسیې ته استولي او د راپورونو له‌مخې، دا مهال په جګړه‌ییزو جبهو کې د اوکرایني ځواکونو پر وړاندې جنګېږي.

    مربوطه لیکنې

    ځواب پریږدئ