د ايران د بهرنيو چارو وزارت مرستيال کاظم غريب ابادي ويلي، چې ډېر ژر به د تفاهم نامې متن خپور شي او په خبره یې تفاهمنامه کې په پام کې نیول شوي ځینې اصلاحات، په لبنان کې له شویو پېښو او د وسلهوالو ځواکونو له بیانیو سره یوځای، د مذاکراتو د بهیر پرمختګ اسانه کړ.
هغه ويلي، وسلهوال ځواکونه یې پرېکنده ځواب ورکولو ته چمتو وو او ټرمپ هم ځینې دریځونه ونیول او پر صهیونیستي رژیم یې نیوکې وکړې.
هغه ويلي، دغه تفاهملیک پر دښمن د باور په مانا نه دی، بلکې په بشپړ بې باورۍ کې لیکل شوی دی موږ به د امریکا د ژمنو پر عملي کېدو څارنه وکړو.
د نوموړي په خبره، کوم دښمن چې د خپلو شومو موخو د عملي کولو لپاره برید کړی و، په ټولو موخو کې له ماتې سره مخ شو او ایران په جګړه کې لویې بریاوې ترلاسه کړې.
د غريب ابادي په وينا د تفاهمنامې په مسوده کې مو خپل ټول مهم دریځونه ځای پر ځای کړي دي او له رسمي لاسلیک وروسته به د تفاهمنامې متن خپور شي.
له لاسلیک کولو وړاندې به هم د عامه رسنیو له لارې د تفاهملیک بېلابېل اړخونه تشریح کړو او لاسته راوړنې به بیان کړو.
هغه زياته کړې، چې د تفاهملیک متن وروستی شوی او د اسلاماباد د تفاهملیک رسمي لاسلیک به د جمعې په ورځ په سویس کې ترسره شي.