تسنیم خبري اژانس راپور ورکړی، چې د ایران د ملي امنیت عالي شورا منشي محسن رضايي وايي، د هرمز تنګی «په بشپړه توګه تړل شوی» او د امریکا هغه ادعا ناسمه ده چې ګواکې دغه تنګی خلاص دی.
رضايي ویلي، ایران به د هرمز تنګي او د فارس خلیج په شاوخوا کې ممنوعه سیمه اعلان کړي او هغه بېړۍ به د بندیزونو په نوملړ کې شاملې کړي، چې د ایران له ټاکل شویو مقرراتو سرغړونه وکړي.
نوموړي ادعا کړې چې اوس یوازې شاوخوا اووه یا اته د خوراکي توکو بېړۍ له دغه مسیر څخه تېرېږي.
د ایران د ملي امنیت عالي شورا منشي همدارنګه ادعا کړې، چې ۴۸ ساعته مخکې یې د یوې امریکايي جنګي بېړۍ په شاوخوا کې د لومړي ځل لپاره د «بېړۍ ضد» ځانګړی توغندی ازمویلی، چې د نوموړي په وینا امریکايي بېړۍ له سیمې وتلو ته اړ شوې ده.