د ايران د ملي امنيت کميسيون مشر، د ډونالډ ټرمپ وروستيو ګواښونو ته په غبرګون ويلي، چې دا فارس خليج دی او په وينا يې د هرمز تنګي شرايط به ټول ايران ټاکي.
هغه زياته کړې، «هغو کسانو ته چې د «بې آف پیګز» د ناکامۍ په څېر یوازې تش ګواښونه کوي نور له تشو شعارونو تېر شئ، د خپلو ځاني او مالي زیانونو اصلي شمېرې خپرې کړئ.»
ياده دې وي، چې بې آف پیګز په کیوبا کې د یوې سیمې نوم دی، د کیوبا یو شمېر جلا وطنه مخالفانو د سي آی اې په مرسته پر دغه سیمه ناکامه برید ترسره کړی و، چې نن سبا امریکا ته د سپکاوي په توګه کارول کیږي.