د ایران ولسمشر مسعود پزشکیان، د امریکا د ولسمشر ډونالډ ټرمپ وروستیو څرګندونو ته غبرګون کې ویلي، چې هېواد به یې د فشارونو او ګواښونو پر وړاندې ټینګ او ثابت پاتې شي.
نوموړي ویلي، پر بنسټیزو تاسیساتو، ترانسپورتي شبکو او برښناکوټونو د برید ګواښ، د ځواک نښه نه ده، بلکې د یوه ملت د ارادې پر وړاندې د بېوسۍ او ناهیلۍ څرګندونه ده.
پزشکیان دا څرګندونې داسې مهال کړي، چې د امریکا ولسمشر ډونالډ ټرمپ تازه ویلي، ښایي ژر د ایران پر بنسټیزو تاسیساتو د برید حکم وکړي.