الجزیرې راپور ورکړی، چې د تایلنډ او کمبودیا پوله ساتو سرتېرو ترمنځ نښته شوې، چې له امله یې تایلنډ کې دوه ملکیان وژل شوي او د کمبودیا لور ته بیا دوه پوځيان ټپيان دي.
سرچينې د تایلنډ پوځ له قوله ليکلي، چې نښته لومړی د کمبودیا ځواکونو پيل کړه او د درنو وسلو ډزې یې هم وکړې.
له بل لوري بيا ګارډين ورځپاڼې د دواړو هېوادونو ترمنځ د روان ترينګلي حالت په اړه په راپور کې ليکلي، چې تایلنډ په خپل سرحد اېف-۱۶ جنګي جیټ الوتکې هم ځای پرځای کړې دي.
دغې ورځپاڼې زياته کړې، چې ټايلنډ کمبوديا کې خپل مېشت سفیر غوښتی او ویلي یې دي، چې د کمبودیا سفیر به هم له خپل هېواده وشړي.