د ترکیې دفاع وزیر یشار ګولر، د کردستان کارګر ګوند (PKK) له مشرانو غوښتي، چې له قید او شرط پرته خپل ګوند منحل او وسلې تسلیم کړي.
نوموړي یوې غونډې ته د وینا پر مهال ویلي، چې PKK او د دې ډلې ټولې څانګې باید ژر تر ژره خپل فعالیتونه پای ته ورسوي، وسلې تسلیم کړي او جګړه نوره بس کړي.
په ورته وخت کې کردانو کارګر ګوند (PKK) بیا ویلي، چې د ترکیې استخباراتي الوتکو د څارنې او بریدونو له امله، دوی نشي کولای د خپل انحلال اعلان لپاره غونډه جوړه کړي.
د یادونې وړ ده چې، څو اونۍ وړاندې د (PKK) ګوند زنداني مشر عبدالله اوجالان هم د خپلو پلویانو ته د وسلو اېښودو او د ګوند منحلولو امر کړی وو.