اې بي سي نيوز د امریکا د بهرنیو چارو وزارت له قوله خبر ورکړی، چې د دغه هېواد د خپلواکۍ د ۲۵۰مې کلیزې په مناسبت یو محدود شمېر ځانګړي پاسپورټونه چاپوي، چې د لومړي مخ په داخلي برخه کې به یې د ولسمشر ډونالډ ټرمپ انځور او په سرو زرو لیکل شوی لاسلیک شتون ولري.
د سرچینې په خبره، دا په تاریخ کې لومړی ځل دی چې د یوه برحال ولسمشر انځور په پاسپورټ کې ځای پر ځای کېږي.
د معلوماتو له مخې دا پاسپورتونه به یوازې په واشنګټن ډي سي کې د پاسپورتونو په اداره کې په حضوري ډول غوښتونکو ته ورکول کېږي او د چاپ شمېر یې محدود دی.
دا ګام د ټرمپ د هغو هڅو برخه بلل کېږي چې غواړي خپل نوم او انځور په دولتي ادارو، بانکنوټونو او ملي سمبولونو کې ثبت کړي.