د کانونو او پټرولیم وزارت وایي، د دغه وزارت د پالیسۍ او پروګرامونو مرستیال، مولوي عبدالرحمن قانت نن پنجشنبه د روسیې «اګري میر» کمپنۍ له مسئول او یو شمېر افغان سوداګرو سره کتلي دي.
وزارت زیاتوي، کتنه کې د یادې کمپنۍ رئیس او افغان سوداګرو افغانستان کې د پانګونې فرصتونه مناسب بللي او ویلي یې دي چې د هېواد د کرومایټو او جستو کانونو کې پانګونې ته لېواله دي.
په ورته مهال د کانونو او پټرولیم وزارت مرستیال، د هېواد نافذه قوانینو ته په پام یادې کمپنۍ او افغان سوداګرو ته د هر راز همکارۍ ډاډ ورکړی دی.