د رياست الوزراء اداري مرستيال، مولوي عبدالسلام حنفي د مالياتي تخفيفونو اعلان غونډه کې وويل، د افغان حکومت له لوري د مالياتي تخفيفونو نوې بسته په څلورو برخو کې عملي کېږي.
د نوموړي په وينا، دغه تخفيفونه شرکتونه، حقيقي اشخاص، اموال او د ګازو او تېلو سکټور رانغاړي په خبره یې، د يادو برخو په عايداتي مالياتو کې لس سلنه تخفيف اعلان شوی، چې پر خالص عايد به تطبيقېږي.
هغه د حقيقي اشخاصو د مالياتو په اړه وويل، هر هغه څوک چې کلنی عايد يې تر ۱۲۰ زره افغانيو پورې وي، له ماليې معاف دی، خو که عايد يې له دې پورته شو ، نو د لس سلنې ماليې تابع به وي.
اداري مرستيال ټينګار کړی، چې د ماليې وزارت مسوولین مکلف دي، څو ماليات له خلکو څخه په غوره او مناسبې طريقې راټول او د مالياتي چارو په تطبيق کې عدالت او شفافيت په پام کې ونيسي.