له ارګ څخه په خپره شوې خبرپاڼه کې راغلي، چې د ریاستالوزراء اداري مرستیال مولوي عبدالسلام حنفي کاپیسا او پروان ولایتونو ته د سفر پر مهال د دواړو ولایتونو د عمومي زندانونو وضعیت په جلا توګه ارزولی.
د خبرپاڼې د معلوماتو له مخې، حنفي د دواړو ولایتونو د والیانو او د عمومي زندانونو د مسؤولینو په حضور کې د زندانونو اداري او روزنیزې چارې، روغتیايي او خوراکي خدمتونه، انضباط او نورې برخې کتلې دي.
نوموړي د توقیفخونو او زندانونو له بېلابېلو برخو هم لیدنه کړې او له زندانیانو سره یې د خبرو پر مهال د هغوی ستونزې او وړاندیزونه هم اورېدلي.
حنفي د خوړو او روغتیايي خدمتونو پر ښه والي، د حفظالصحې پر تأمین او محبوسینو ته د زدهکړو او حرفوي زدهکړو د زمینې پر برابرولو ټینګار کړی.
نوموړي همدارنګه ویلي، چې مسؤولین مکلف دي له زندانیانو سره د اسلامي شریعت او انساني حقونو له اصولو سره سم چلند وکړي او د هغوی ستونزو ته پر وخت او سمه رسېدنه وکړي.