د ریاستالوزراء اقتصادي مرستیال، ملا عبدالغني برادر نن (سه شنبه) د روان ۱۴۰۴ د کابل ولایت مقام مخې ته د موټرو د تګ راتګ لپاره د هوايي پُل د جوړېدو چارو پرانیستې.
د ریاستالوزراء اقتصادي معاونیت وایي، ښاغلي برادر ښاري پراختیا، ټرانسپورتي زېربناو او ښاري نظم اساسي اړتیا بللې او ویلي یې دي، چې کابل ښار باید په معاصره توګه د یو منظم ښاري پلان له مخې پراختیا ومومي.
ښاغلي برادر زیاته کړې، له نېکه مرغه کابل ښاروالۍ د همدې اړتیا په درک کولو سره په بې سارې توګه د کابل ښار د ټرانسپورتي او ښاري نظم په برخه کې د پام وړ کارونه ترسره کړي، چې د ستاینې او قدر وړ دي.
د اقتصادي معاونیت د معلوماتو له مخې، دغه هوايي پُل ۲۳۵ متره اوږدوالی، ۱۸ متره سور او ۶.۸ متره لوړوالی لري چې ۴۶۲ میلیونه افغانۍ لګښت پرې راځي او چارې به یې په ۱۵ میاشتو کې بشپړې شي.