له نن څخه دوه لسیزې وړاندې امریکایي یرغلګرو چې د خپلو غلامانو او لاسپوڅو په اوږو سپاره وو، په ګران وطن افغانستان یې یرغل وکړ، په زرګونو بې ګناه افغانان یې شهیدان، ټپیان او بې کوره کړل، په ډرون حملو او شپنیو چاپو کې یې، بې شمېره میرمنې او کوچنیان ووژل.
د شر او فساد د ډلو مشران هغه غله او داړه ماران لکه عطا محمد نور، د پښتنو سرسخت دښمن عبدالرشید دوستم، محقق، کریم خلیلي، سیاف، برهان الدین رباني، تورن اسماعیل خان، امرالله صالح، احمد ضیا مسعود او داسې نور نجس مخلوق، چې د ولسونو له لوري استفراق شوي څهرې دي، افغان ولسونو ته هیڅ مخ نه لري، په هیواد کې میشت افغانان ترې کرکه او نفرت لري.
دا هغه بې بند او باره ټوپکيان، او مسلح غله پاټکيان وو چې قتل، ډاکه، اخلاقي فساد، د هلکانو ودول، بې ناموسي، د بيت المال چور او نور دېته ورته رزالتونه يي عادت ګرځېدلي وو، چې د الله جل جلاله په نصرت د اسلامي امارت د ډيرې قربانۍ په مټ له دې خاورې ورک او افغان ولس يې له شره خلاص کړ، بیا نو افغانانو د امن او سوکالۍ ساه واخيسته.
دې ډلو د ولسونو ترمنځ د بې اتفاقۍ تخم شیندلی وو، قومي، ژبني او توکميز تعصاباتو ته یې لمن وهله، همغه وو چې هیواد یې له بدبختیو سره مخ کړی وو، اوس نو دوی ته اهمیت ورکول او د دوی خبرې اورېدل، له هیواد او هیوادوالو سره ستر ظلم او خیانت دی.
د شر او فساد ډلو د هیواد بېلابیلې شتمنۍ چور او تالان کړې، جبر او ظلمونه یې نور اوج ته رسېدلي وو، پښتنو ته به یې د وحشیانو او دهشتګرو خطاب کاوه، په پښتو ژبه به چا د کابل په ښار کې خبرې نه شوای کولای؛ که کوم پښتون به په پښتو ژبه خبرې وکړې، د تاجکانو له لوري به ورته ویل کېدل چې: مسلماني ګپ بزن.
د امریکایي یرغلګرو موخه په هیواد کې د هغو جنګسالارانو او منفورو کړيو واک ته رسول وو، چى د افغانستان بېچاره ولس ترې تر پوزې رسيدلی وو او د شوروي له ماتې وروسته په هره فاجعه او وحشت يې صرفه نه وه کړې.
د شر او فساد ټول مفسدین دي په دې اګاه اوسي، افغانانو ترخې تجربې ترلاسه کړي، په اتحاد او اتفاق دي، د یوه بیرغ تر چتر لاندې ژوند کوي، د چا په دروغو وعدو نه دوکه کېږې، په دين مئين دي، په اسلامي او شرعي نظام له سره تېر دي او تل یې د خپلو علماوو په فتوا او حکم بې ساري ځاني او مالي قربانۍ ورکړي او نن هم لله الحمد د خپل پيشوا او امام (اسلامي امارت) په خوا کې ولاړ، د شر او فساد بې ځایه توطیو پر وړاندې لکه فولادي ديوال ولاړ دي، هېڅ چا ته به اجازه ورنکړي چى د اسلامي او شرعي نظام د حاکميت پر وړاندې خنډ وګرځي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
