۴. را(RAW) هندي استخبارات:
په ۱۹۹۶ کال چې کله په افغانستان کې اسلامي حکومت قايم شو او طالبان ورځ تر بلې د پر پرمختګ په حال کې وو؛ نو هندوستان له دې ويرې چې که په افغانستان کې سرتاسري اسلامي نظام قايم شي، شايد د دوی په هېواد کې هم مسلمانان د اسلامي نظام د قايم کېدو غوښتنه وکړي؛ ځکه يې د شر او فساد ډلې سره مرستې شروع کړې؛ همدا وجه ده چې نه يواځې هندوستان، بلکې پاکستان، تاجکستان، غربي او ډيموکرات هېوادونه هم له اسلامي نظام څخه ويره لري او د همدې ويرې په خاطر د طالبانو مخالف شوي.
د ۲۰۰۱ ميلادي کال د مارچ په مياشت کې هندي چارواکو ومنله چې له ۱۹۹۶ څخه را(RAW) د شمالي ټلوالې سره کار کوي.د هندوستان مرستې او وسلې د دوشنبې، تاجکستان د هوايي ميدان څخه په کار اخيستلو تر شر او فساد ډلې پوري رسېدلي.
په ۲۰۰۱ ميلادي کال کې احمد شاه مسعود نيو ډيلي ته سفر وکړ او د مرستو د لا ډيرولو غوښتنه يې د هندوستان له حکومت او جاسوسي سازمان را(RAW) څخه وکړه.
۵. موصاد(Mussad) يهودي استخبارات:
له ۱۹۹۰ ميلادي کال څخه د سي آی اې(سي آی اې) او را(RAW) جاسوسي سازمان په جامه کې موصاد د شر او فساد ډلې سره اړيکې ساتلې.
د يهودو د صهيونيستي رژيم جاسوسي سازمان موصاد او د هندوستان جاسوسي سازمان را(RAW) تر منځ د استخباراتي معلوماتو شريکولو تړون شتون لري چې پکې د طالبانو د فعاليتونو څار هم شامل دی.
موصاد د مسعود او ډلې سره یې مستقیم مرسته نه کوله، بلکې د سي آی اې او را په ذريعه يې ورسره مرسته کوله؛ مسعود په افغانستان کې د يهودو د ګټو د خونديتوب يو د خوښې لوبغاړی وو.
۶. واجا(VAJA) ايراني استخبارات:
په کال ۱۹۹۶ کې چې طالبانو د افغانستان واکمني تر لاسه کړه؛ ايراني جاسوسي سازمان د شر او فساد ډلې حمايت ته ملا وتړله؛ دا چې د شر او فساد په ډله کې ځینې شيعه ګان هم شامل وو او بل د فارسي ژبې او ژبني تعصب په وجه ايران د شر او فساد ډلې حمايت وکړ.
خو کله چې امريکا په ۲۰۰۱ کال کې پر افغانستان يرغل وکړ او د شر او فساد ډله د امريکا غلامۍ کې پوره ښکېل شوه؛ نو ايران تر ډېره د شر او فساد ډلې څخه لاس واخيست؛ اما بيا هم د قومي او ژبني تعصب په وجه يې ورسره اړيکې ساتلې؛ روسيې د شر او فساد ډلې ته د وسلو رسولو دنده واجا جاسوسي سازمان ته سپارلې وه.
۷. ايس سې اين ايس(SCNS) تاجکستاني استخبارات:
د احمد شاه مسعود د راپورته کېدو سره بيا تر ننه د قوميت په نامه تاجکستان د احمد شاه مسعود او د ده د زوی احمد مسعود او د شر و فساد ډلې ملاتړ کړی.
احمد شاه مسعود يو متعصب شخص وو چې د افغانستان له نورو قومونو څخه يې کرکه لرله؛ د ده د همدې قومي او ژبني تعصب په خاطر تاجکستان ورسره ولاړ وو؛ احمد شاه مسعود هم په قوم تاجک او د تاجکستان وګړي هم تاجکان دي؛ اصل کې د احمد شاه مسعود کورنۍ هم له تاجکستان څخه افغانستان ته را مهاجر شوې وه.
د روسيې په امر هم تاجکستان د شر او فساد ډلې حمايت کاوه؛ ځکه د روسيې وسلې او مرستې د تاجکستان او ايران په لاس د شر او فساد تر ډلې رسېدلې.
د foreign policy magazine په ۲۰۲۱ ميلادي کال کې يو راپور خپور کړی؛ په دې راپور کې يې پوره تشرېح کړې چې څنګه او ولې تاجکستان د احمد مسعود او شر و فساد ډلې ملاتړ کوي؟دا چې څه وخت مخکې تاجکستان د شر او فساد ډلې دفترونه په تاجکستان کې وتړل هم د روسيې د فشار په وجه؛ ځکه چې شمالي ټلوالې له داعش خراسان سره لاس يو کړی وو او د شر و فساد ډلې په جامه کې داعش خراسان له پاکستان څخه ماسکو ته ځان و رساوه.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
