د فرانسې خبري اژانس راپور ورکړی، چې د دې هېواد ولسمشر امانوئل مکرون دمشق ته رسېدلی، چې دا د ۲۰۲۴ کال راهیسې د سوریې د نوي حکومت له رامنځته کېدو وروسته د لوېدیځې اروپا د یوه مشر لومړنی رسمي سفر بلل کېږي.
د سرچينې د راپور له مخې، د سوریې د بهرنیو چارو وزیر اسعد شیباني په دمشق هوايي ډګر کې د مکرون هرکلی کړی دی.
تمه کېږي، مکرون به له احمد الشرع سره پر دوه اړخيزو اړيکو او ګڼو نورو موضوعاتو خبرې وکړي.