د قطر شاهي دیوان اعلان کړی، چې د دغه هېواد د امیر پلار او پخوانی امیر، شیخ حمد بن خلیفه آل ثاني، د ۷۴ کلونو په عمر وفات شوی دی.
د قطر شاهي دیوان د یکشنبې په ورځ په یوه اعلامیه کې وویل چې شیخ حمد بن خلیفه آل ثاني د ۱۴۴۸ هجري قمري کال د محرم الحرام په ۲۷مه، چې د ۲۰۲۶ کال د جولای له ۱۲مې سره برابره ده، د سهار په وخت وفات شوی دی.
په اعلامیه کې راغلي: «په داسې حال کې چې د الله تعالی پر قضا او قدر بشپړ ایمان لرو، د قطر شاهي دیوان د هېواد د ستر شخصیت، د امیر پلار شیخ حمد بن خلیفه آل ثاني پر مړینه خواشیني څرګندوي.»
شاهي دیوان د مرحوم لپاره د الله تعالی د پراخ رحمت او مغفرت دعا کړې او ویلي یې دي چې نوموړي خپل هېواد، عربي امت او اسلامي نړۍ ته ستر او تلپاتې خدمتونه ترسره کړي دي.