د ار ټ آربيک رسنۍ د راپور له مخې د لبنان لومړي وزیر سلام ویلي، چې د هېواد د بیا رغونې یوازینۍ لار یې د کورنۍ جګړې د مخنيوي (طایف) تړون بشپړ پلي کول دي او ټینګار یې کړی، چې وسلې باید یوازې د دولت په لاس کې وي.
نوموړي په ډاګه کړې، چې د دغه تړون په پلي کولو کې پاتې راغلي دي او له حزب الله ډلې یې غوښتي چې خپلې وسلې تسليم کړي.
له بلې خوا، د حزب الله ډلې مشر نعیم قاسم ویلي، چې حزب الله به خپل مقاومت ته دوام ورکړي او له اسرائیل سره به هېڅ ډول اړیکې ونه مني.
په ورته مهال امریکايي استازو یوه طرحه وړاندې کړې، چې پکې د حزب الله وسلو تسلیمول، د مالي شبکو تړل، له سوریې سره د اړیکو تنظیم او د ځینو سیمو پرېښودو غوښتنه شوې؛ خو حزب الله دغه طرحه د خپل مقاومت ختمولو هڅه بللې ده.