د لبنان ولسمشر جوزېف عون په تازه څرګندونو کې ویلي، چې د لبنان له جنوب څخه د صهیونیستي اشغالګرو بشپړ وتل «ملي» هدف دی او هېواد به یې هېڅکله د اشغال پر دوام جوړجاړی ونه کړي.
نوموړي ټینګار کړی، چې له صهیونیستي رژیم سره خبرې اترې تسلیمېدل نه، بلکې د لبنان د حاکمیت د خونديتوب لپاره مشروع اقدام دی.
هغه زیاته کړې، چې د لبنان دولت د بشپړ ملي حاکمیت د بېرته ترلاسه کولو لپاره مهمې پرېکړې کړي او د سویلي لبنان ازادول داسې انتخاب دی، چې هېڅ بدیل نه لري.
د لبنان ولسمشر همداراز پر دغه هېواد د صهیونیستې رژیم پرله پسې بریدونه او د ځینو کلیو اشغال هم په کلکه غندلی دی.