د کډوالو او بیرته راستنېدونکو چارو وزارت خبر ورکړی، چې تېرو درېیو ورځو کې د پاکستان پوځي رژیم له بندخونو ۳۷۳ تنه افغان کډوال ازاد او هېواد ته راستانه شوي.
وزارت زیاته کړې، چې له دې ډلې ۲۹۶ تنه د تورخم او ۷۷ تنه د سپین بولدک له لارې هېواد ته راستانه شوي.
د معلوماتو له مخې، یاد کسان د استوګنې د قانوني اسنادو د نه لرلو له امله د یاد رژیم په بېلابېلو بندخونو کې ساتل کېدل.
وزارت زیاته کړې، چې یاد افغان کډوال تر ثبت او مرستو ترلاسه کولو وروسته خپلو اصلي سیمو ته لېږدول شوي دي.