د امربالمعروف، نهی عن المنکر او شکایتونو اورېدلو وزارت خبر ورکړی، چې د کابل، سرپل، هلمند، بغلان، سمنګان او نیمروز ولایتونو محتسبینو ۱۵ دښمنۍ او شخړې حل او د ښکېلو اړخونو تر منځ یې روغه کړې ده.
محتسبینو ډاډ ورکړی، چې د قومونو تر منځ د یووالي په برخه کې به هېڅ راز هڅې و نه سپموي او هېڅ چاته به اجازه ور نکړي، چې قومي او ژبنۍ دښمنۍ وپالي.
په ورته مهال محتسبینو له دیني علماوو، قومي مخورو او ځایي خلکو غوښتي، چې د ورته ستونزو په مخنیوي کې له محتسبینو سره مرسته وکړي.