د مقاومت جبهې د بهرنیو اړیکو مسؤل، علي میثم نظری پښتونخوا او بلوچستان کې د داعش ډلې او اربکیانو پر مرکزونو د افغان هوايي ځواک وروستي بریدونه غندلي او ویلي یې دي چې اوسنی افغانستان چې پر پاکستان بریدونه کوي نه د افغانانو په ګټه دی او نه هم د سیمې د امنیت او ثبات.
هغه د اشارې په ډول د پاکستان په ملاتړ ویلي، چې افغانستان باید پر چا برید ونه کړي او په وینا یې د یوه بېطرفه، باثباته او رغوونکي دولت پر بنسټ اداره شي.
د نظري دغو څرګندونو په ټولنیزو رسنیو کې بېلابېل غبرګونونه راپارولي دي. د کاروونکو په وینا د مقاومت جبهې د مشرانو له لوري د پاکستان پر ضد د پوځي اقداماتو غندل د افغانستان پر ځای د پاکستان له دریځ سره همغږي ښکاري.