د مالیې وزارت وايي، د نیمرزو په گمرک کې له ملايي(قیماق) څخه بار په یو یخچالي موتر کې د برېښنايي سیستم د شارټۍ له امله اور لگېدلی و، چې د گمرک او اړوند کارکوونکو له لوري یې پر وخت مخه نیول شوې ده.
له یاد وزارت څخه په خپره شوې خبرپاڼه کې ویل شوي، په دغه اورلگېدنه کې د نورو سوداگرو سوداگریزو توکو ته زیان نه دی اوښتی او یوازې په یاد یخچالي موټر کې یوه اندازه بار توکي پکې سوځول شوي دي.
د خبرپاڼې له مخې، په تېرو دوه نیم کلونو کې د هېواد گمرکونو ته ځانگړې پاملرنه شوې او په ټولو گمرکونو کې اړین وسایل او د اور وژنې تجهیزات لگول شوي، چې د بېړنیو پېښو په مخنیوي کې ورڅخه پر وخت کار اخیستل کېږي.
د نیمروز گمرک د هېواد له مهمو گمرکونو څخه گڼل کېږي، چې له گڼو هېوادونو ورته سوداگریز توکي افغانستان ته راوړل کېږي او له همدې لارې گڼ توکي بهرنیو هېوادونو ته صادرېږي.
