د افغانستان اسلامي امارت رئیس الوزراء، ملا محمد حسن اخند نن پنحشنبه له غرمې مخکې د کابل-جلالآباد دویم لین سړک رغنیزې چارې له نږدې ولیدلې.
د ا.ا مرستیال ویاند، ملا حمدالله فطرت وایي، ښاغلي رئیسالوزراء د یاد سړک له رغنیزو چارو څخه د لیدنې پر مهال د ټولګټو چارو وزارت رهبرۍ، د خصوصي شرکتونو مسئولین او کارکوونکي وستایل او هغوی ته یې د یاد سړک د چارو د پر وخت او ښه کیفیت سره د بشپړولو په اړه لازمې لارښوونې وکړې.
نوموړي ویلي، چې د دې سړک د چارو له بشپړېدو سره به د ترانسپورتي اسانتیاوو، ټرانزیټ، د خلکو د تګ راتګ او د هغو سیمو په اقتصادي پیاوړتیا کې مهم بدلون، سهولت او پرمختګ راشي.
د یادونې وړ ده، د کابل-جلالآباد دویم لین سړک د هېواد له مهمو ترانزیټي او اقتصادي پروژو څخه دی چې په درېیو سکشنونو کې یې چارې روانې دي.