لیکوال: اميد افغان
تېره دوشنبه د اتریش پلازمینې ویانا کې د اسلامي نظام او افغان ولس دښمنان د خپلو بادارانو په يو کور کې سره را ټول شوي وو.
د دوی د را ټولېدنې ځای د ښوونځي اول ټولګي ته ورته وو، دوی چې ځانونو ته یې تحصیل کرده او جهان دیده خطابونه کوي، د ناستې اصولو یې له هېڅ ډيپلوماتيک اصل سره موافق نه وو، هغوی په يو اطاق کې لسګونه د ټولګي د ماشومانو په شان چوکیو سره ناست وو، او د دې راټولېدلو څخه یې یړاځینۍ موخه دا وه چې اسلامي نظام ته د خپل شتون اظهار وکړي، چې مونږ خو هم د انلاين مخالفینو په توګه لا هم د بادارانو په کورونو کې ژوندي يو.
د دوی له راټولېدا درې څلور ورځې وړاندې د بغلان ولايت په يوې ولسوالۍ کې څو باغيان را ټول وو، هغوی په يوې ویډيو کې داسې څرګنده کړه، چې مونږ هم نظامي شتون لرو.
د بغلان په غرونو کې دې راټول شويو او د ویانا غونډې ګډونوالو ته د اسلامي نظام لخوا هېڅ غبرګون ونه ښودل شو، او دوی په خپل مینځ کې د مخالفت په هدف را ټول شوي د طالب په صفت سره اخته شول.
يوه اونۍ وروسته دا دی نن د اسلامي نظام د استخباراتو رياست اړوند چټک غبرګون ځواکونو په دقيقو، منظمو او قاطع عملیاتو کې هغه بغاوت وال چې د بغلان ولايت د نهرين ولسوالۍ د کوز کلي په غرونو کې یې تېره اونۍ د شتون ويډيو نشر کړې وه، هلاک شول.
په دې هلاک شويو کې د باغیانو دوه تنه سرکرده قوماندانان (عبدالصمد او خیرالله) وو، د دوی له هلاکت سره اسلامي نظام د ویانا غونډې ګډونوالو ته ډالۍ او پيغام ورکړ، او همدا يې پيغام وو، چې د دې اسلامي نظام او دې زورېدلي ولس په وړاندې که هر څوک د هرې جامې له هر ځايه د بغاوت، خارجيت او شر او فساد هڅه وکړي، شته امن اخلال کړي، ولس نارامه کړي او د ګډوډي رامنځته کولو هڅه وکړي، په همدې برخلیک به اخته کېږي.
د بغلان ولايت د نهرين ولسوالۍ د باغيانو له هلاکت دوه ورځې وړاندې کابل کې هغه دوه تنه د شر او فساد ډلې غړي هم هلاک او د خپل عمل په سزاء ورسېدل، کوم چې د کابل ښار د ښاريانو د شته امنيت د اخلال په موخه یې په ښار کې عامه نظم اخلال او ګډوډ کوه.
له دې شته اسلامي نظام د باطلو ډلو، اشخاصو او استخباراتي کسانو په وړاندې قاطعيت څخه څرګندېږي، چې اسلامي نظام د اسلام، هيواد او نظام په وړاندې هېڅ باغي ته وخت او فرصت نه ورکوي او د نورو په شان یې د خپل عمل په سزاء رسوي.